2022-ci il martın 11-də Xəzər Universiteti Psixologiya departamentinin koordinatoru Mələk Kərimovanın "Terapevtik ünsiyyətin əsasları" kitabının təqdimatı keçirildi. Tədbirdə Xəzər Universitetinin rəhbərliyi, əməkdaşları və tələbələri, müxtəlif psixoloji xidmət mərkəzlərinin rəhbərləri, həmçinin universitetin psixologiya ixtisasının şəhid tələbəsi Ataməli Musayevin valideyni iştirak edirdilər.

Tədbiri universitetin rektoru dosent İradə Xəlilova açaraq, kitabın ixtisas tələbələri üçün əhəmiyyətli olduğunu qeyd etdi. Mələk Kərimova kitabın hansı ehtiyacdan yazılması haqqında fikirlərini bildirərək, məzmunu və fəsilləri haqqında geniş məlumat verdi. Sonra rəyçilər – dosentlər Ceyhun Alıyev və Ləman Verdiyeva kitabın praktik məlumatlarla zəngin olmasından və yerli psixologiya sahəsində ədəbiyyat azlığından da bəhs edərək, kitabın tələbələrə faydalı olacağını qeyd etdilər. Tədbirdə psixologiya sahəsində dərs vəsaitləri haqqında müzakirə aparıldı.

Mələk Kərimova şəhid tələbə Ataməli Musayev haqqında xatirələrini bölüşərək, valideyninə tədbirə gəldiyi üçün təşəkkürünü bildirdi.

Sonda kiçik bir yarış təşkil edilərək, tələbələrə kitablar hədiyyə olundu. 

Tədbiri aşağıdaki link vasitəsilə izləmək olar:

https://www.youtube.com/watch?v=LrjidFZjLGg