2022-ci il fevralın 28-də Təhsil departamentinin koordinatoru Cavid Cəfərov Niderlandın Groningen Universitetində qonaq mühazirəçi kimi çıxış edib. Hibrid şəkildə keçirilən mühazirədə o, Avropada vətəndaşlıq təhsilinin təşkili və Avropa məktəblərinin gənclərin vətəndaş kimi yetişməsində rolundan bəhs edib və bu sahədə olan ən son tədqiqatların nəticələrindən danışıb.
Mühazirə Groningen Universitetinin “Master of Ethics in Education” magistr proqramının tələbələri üçün təşkil olunub və tələbələrlə yanaşı mühazirədə həmin universitetin əməkdaşları Dr. Piet van der Ploeg və Dr. Anouk Zuurmond da iştirak edib.
Mühazirənin sonunda tələbələrin suallarını cavablandıran Cavid Cəfərov Azərbaycanda vətəndaşlıq təhsilinin təşkili haqqında da məlumat verib və dəvət üçün universitet əməkdaşlarına təşəkkürünü bildirib.