Tədbirin açılışında Xəzər Universitetində Havanın Keyfiyyətinin Təhlili Mərkəzinin yaradılması əlamətdar fakt kimi qeyd olunmuşdur.
2022-ci il martın 2-də Aİ Ətraf Mühit üçün -Su Resursları və Ətraf Mühit Məlumatları proqramının Azərbaycanda onlayn formatda rəsmi açılışı keçirildi. Proqram Avropa Yaşıl Razılaşmasına və COVID-19-dan sonra yaşıl bərpa proqramına uyğun olaraq təbii ehtiyatların qorunmasında ölkəyə daha çox dəstək verəcək. Proqramın məqsədi Azərbaycanda əhalinin sağlamlığının və rifahının yaxşılaşdırılması, eləcə də Dayanıqlı İnkişaf Məqsədlərinə (DİM) nail olmaqdır. Proqram Su və Sıfır Çirklənmə üzrə Avropa Komanda Təşəbbüsünün bir hissəsidir və bütün vətəndaşlar üçün təmiz (toksiksiz) bir ətraf mühitə doğru irəliləməyə yönəlmişdir.
Tədbirin açılışında 2019-cu ilin iyun ayında Xəzər Universitetində Havanın Keyfiyyətinin Təhlili Mərkəzinin yaradılması əlamətdar fakt kimi qeyd olunmuşdur. Nəzərə çatdırılmışdır ki, Avropa Komissiyası və icraçı tərəfdaşlar Avropa İttifaqının bu yeni dəstəyi çərçivəsində Azərbaycanla əlaqələrini davam etdirib, daha da gücləndirəcək. Onlar birlikdə ətraf mühitə və Azərbaycanda əhalinin rifahına fayda vermək üçün su ehtiyatlarının və ekoloji məlumatların idarə edilməsini yaxşılaşdiracaqlar.
Turan.az və digər saytlar tədbir haqqında xəbər yayımlamışlar:
Copyright © Xəzər Universiteti, 2025
