“2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə xaricdə doktorantura təhsili” proqramı çərçivəsində Azərbaycan Respublikasının Təhsil Nazirliyi və Xəzər Universiteti ilə üçtərəfli müqavilə əsasında yüksək reytinqli xarici universitetlərdə təhsil alan doktoranların seminarları keçirildi.

2022-ci il fevralın 18-də Türkiyənin İstanbul Üniversitetində təhsil alan doktorant İnci Şıxəliyeva “Kök hüceyrələr: Miflər və reallıq” mövzusunda, fevralın 23-də Birləşmiş Krallığın London Universitet Kollecində təhsil alan doktorant Mədinə Quliyeva “Nanotexnologiya və nanoölçülü fizika ilə tanışlıq” mövzusunda, fevralın 25-də isə Almaniyanın Berlin Texniki Universitetində təhsil alan doktorant Günay Kazımzadə “Süni İntellekt sistemləri: Data keyfiyyəti və qərəzlilik” mövzusunda seminar keçirdilər.

Onlayn təşkil olunan seminarlarda həm Xəzər Universitetinin, həm də digər universitetlərin tələbə və əməkdaşları iştirak etdilər. Məruzələrdən sonra suallar cavablandırıdı və geniş müzakirələr aparıldı.