2022-ci il fevralın 24-də Xəzər Universitetinin Beynəlxalq əlaqələr ofisi tələbələr üçün Erasmus+ Tələbə Mobilliyi üzrə məlumat sessiyası keçirdi. Sessiyada universitetin Beynəlxalq əlaqələr üzrə prorektoru Vlad Verniygora, İnkişaf Mərkəzinin direktoru Raziyə İsayeva, Beynəlxalq əlaqələr ofisindən Fatimə Vəliyeva və Arzu Bədəlova Erasmus+ Tələbə Mobilliyi üzrə tələbələrə ətraflı məlumat verdilər.

Sessiyada, həmçinin, mübadilə proqramından yenicə qayıdan tələbələr – Mühəndislik və tətbiqi elmlər fakültəsinin üçüncü kurs tələbəsi (Kompüter mühəndisliyi ixtisası) Zaur Əliyev (İtaliyanın Roma Sapienza Universiteti) və İqtisadiyyat və menecment fakültəsinin dördüncü kurs tələbəsi (Maliyyə ixtisası) Şücaət Şahidli (Türkiyənin Manisa Celal Bayar Universiteti) iştirak etdlər və Erasmus təcrübələrini paylaşdılar.

Sonda tələbələrin sualları cavablandırıldı.