2022-ci il fevralın 4-də Xəzər Universitetinin tərəfdaşı olduğu Erasmus+ ECAR layihəsi çərçivəsində onlayn formatda dördüncü idarəetmə görüşü keçirildi.

Layihənin koordinatoru Gülşən Bayramova gündəlikdə duran məsələləri iclas iştirakçılarının diqqətinə çatdırdı və layihə çərçivəsində görülən işlər barədə qısa məlumat verdi.

Sonra Polşaya səfərin hazırlığı və COVID-19 ilə əlaqədar təhsil səfərlərinin təşkili ilə bağlı problemlər ətrafında müzakirələr aparılıb. Müzakirələrdə əsas problemlərin həlli yolları ilə əlaqədar təkliflər verilib.

Daha sonra Gülşən Bayramova və Fransa Beynəlxalq Təhsil Mərkəzinin (FEI) proqram meneceri Marion Poutrel tərəfindən ARC çərçivəsində müxtəlif işçi qrupların formalaşdırılması haqqında məlumat verilmişdir. Onlar Fransada keçirilən təlimlərə toxunub, məsələləri görüş iştirakçılarının diqqətinə çatdırıblar.

Görüşün sonunda Eşqin Bayramov Polşaya səfərin təfərrüatları barədə danışıb. Tədbirdə Xəzər Universitetini İnkişaf Mərkəzinin direktoru Raziyə İsayeva və Layihə meneceri Səbinə Quluyeva təmsil ediblər.