Siyasi elmlər və fəlsəfə departamentinin müdiri Dr. Fərid Quliyevin müəllifi olduğu fəsil Hilary Boudet və Shawn Hazboun`un redaktorluğu ilə hazırlanmış “Fosil Fuel Export”a İctimai Cavablar: Keçid Dövründə Enerji və Emissiyaların İxrac edilməsi” (Link) kitabında çap olunub. Kitab nüfuzlu Elsevier nəşriyyatı tərəfindən 4 fevral 2022-ci ildə nəşr edilmişdir.

Dr. Quliyevin yazdığı “Yeni qlobal enerji nizamı: dəyişən oyunçular, siyasətlər və güc dinamikası” adlı fəsildə aşağı karbonlu enerji keçidlərini hərəkətə gətirən qüvvələr və qlobal enerji siyasətini müəyyən edəcək köhnə və yeni qüvvələrin gələcək onilliklərdə mürəkkəb qarşılıqlı əlaqəsi araşdırılır. O, belə bir fərziyyə irəli sürür ki, qalıq yanacaqlar tədarükün təhlükəsizliyi ilə bağlı ənənəvi narahatlıqları gündəmdə saxlasa da, bu cür narahatlıqlar, çox güman ki, təmiz texnologiya istehsalında istifadə olunan kritik minerallarla bağlı yeniləri ilə tamamlanacaq.

Fəslin onlayn versiyası:

https://doi.org/10.1016/B978-0-12-824046-5.00004-7