2022-ci il yanvarın 24-27-də Xəzər Universitetinin İqtisadiyyat və menecment fakültəsinin dekanı Ceyhun Məmmədov, Psixologiya departamentinin koordinatoru Mələk Kərimova, İnkişaf Mərkəzinin layihə meneceri Səbinə Quluyeva və MBA Mediasiya ixtisasının tələbəsi Qasım Şalıyev Xəzər Universitetinin tərəfdaş olduğu Erasmus+ MEDİATS layihəsi çərçivəsində Ukraynanın Krok Universitetində keçirilən görüşdə iştirak etdilər.

Yanvarın 24-də İqtisadiyyat və menecment fakültəsinin dekanı Dr. Ceyhun Məmmədov layihə çərçivəsində yaradılmış Mediasiya ixtisası üzrə MBA proqramı, onun inkişaf və nəticələrinə həsr olunmuş təqdimatla çıxış etdi.

Sonra MBA Mediasiya ixtisasının tələbəsi, eyni zamanda Azərbaycandakı Mediasiya Şurasının İxtisas Komissiyasının sədri Qasım Şalıyev iştirakçıları Mediasiya Şurasının iş fəaliyyəti ilə bağlı məlumatlandırıb.

Yanvarın 26-da İqtisadiyyat və menecment fakültəsinin dekanı Dr. Ceyhun Məmmədov və İnkişaf Mərkəzinin layihə meneceri Səbinə Quluyeva layihə çərçivəsində indiyə qədər görülmüş işlər və növbəti 1 il ərzində planlaşdırılmış işlər haqqında hesabatla çıxış etdilər.

Hibrid şəkildə təşkil olunan 4 günlük görüşdə 10 tərəfdaş universitetdən (Azərbaycan, Gürcüstan, Ukrayna, Hollandiya, İspaniya və Latviya) nümayəndələr iştirak edirdilər.

Sonda iştirakçılar sertifikatla təltif olundular.