2022-ci il yanvarın 21-də Xəzər Universiteti Təhsil departamentinin koordinatoru Cavid Cəfərov İtaliyanın Florensiya şəhərində keçirilən konfransda iştirak edib. “Avropada Həmrəylik” (EUI-YouGov ‘Solidarity in Europe’ project data dissemination conference) mövzusunu əhatən edən konfrans İtaliyanın Avropa Universiteti İnstitutu (European University Institute) tərəfindən Florensiyada hibrid formatda təşkil olunmuşdur.
Konfrans 2018-ci ildə başlayan “Avropada Həmrəylik” adlı tədqiqatın nəticələrinə həsr edilmişdir. Tədqiqatın məqsədi Avropa ölkələrində xüsusilə gənclərin həmrəyliklə və onlar üçün yaradılan siyasi və sosial imkanlarla bağlı fikirlərini araşdırmaqdan ibarət olmuşdur. Konfransda bir sıra İtaliya universitetləri ilə yanaşı, Toronto Universiteti (Kanada), Gent Universiteti (Belçika), ST.Gallen Universiteti (İsveçrə) və King College London (UK) kimi nüfuzlu universitetləri təmsil edən tədqiqatçılar iştirak etmişlər.