2022-ci il yanvarın 10-da “Potensial Məktəb Direktorları” təlimlərinin başlaması məqsədilə iştirakçılarla ilkin görüş keçirildi.

Görüşdə layihənin rəhbəri Raziyə İsayeva iştirakçıları salamladı, 3 ay müddətində davam edəcək təlimlər haqqında qısa məlumat verdi.

Layihənin koordinatoru Elza Səmədova indiyə qədər layihə çərçivəsində keçirilmiş təlimlər, bu təlimlərin əhəmiyyətindən bəhs etdi və iştirakçılara uğurlar arzuladı.

Qeyd edək ki, təlimin əsas məqsədi ölkədəki yeni təhsil strategiyasına və təhsil islahatına uyğun olaraq məktəb direktorlarının və gələcəkdə bu sahədə fəaliyyət göstərmək istəyən təhsil işçilərinin bilik və bacarıqlarını artırmaq, onları dünyadakı səmərəli idarəetmə təcrübəsi ilə tanış etməkdir. Bu məqsədlə 8 fənn (Kurikulumun tətbiqi və idarəedilməsi, Təhsilin idarə olunması, Statistika və məlumatların təhlili, Maliyyə və mühasibat uçotu, Qanunvericilik və təhsil hüququ, Təhsil psixologiyası, Məntiq və İKT) üzrə həftənin 3 günü, 12 həftə Xəzər Universitetinin “Neftçilər” kampusunda dərslər tədris olunur.