2022-ci il yanvarın 6-da Xəzər Universitetində Hədəf Kurslarının idarə heyəti ilə görüş keçirilib. Universitetin İdarəetmə və tələbələrlə iş üzrə prorektoru İsaxan İsaxanlı qonaqları salamlayaraq, təhsil müəssisələrinin qarşılıqlı əməkdaşlığının əhəmiyyətini vurğulayıb, universitetin tələbə kontingenti və potensialı haqda geniş məlumat verib.

Universitetin İctimai əlaqələr və media üzrə direktoru Əlövsət Əmirbəyli universitetin ölkə daxilində və beynəlxalq aləmdəki nüfuzu və məzunların iş imkanları barədə fikirlərini bölüşüb. Universitetin Dillər və ədəbiyyatlar departamentinin müəllimi Ülvi Babasoy Xəzər Universiteti haqda təqdimatla çıxış edib.

Hədəf Kurslarının icraçı direktoru Emin Sadiqov kursların tədris prosesi, sınaq imtahanları və təhsillə bağlı layihələri haqqında geniş məlumat verib. Hədəf Kurslarının baş direktorunun müavini, tarix üzrə fəlsəfə doktoru Elvin Əliyev isə Hədəf Kurslarının nəşrlərini təqdim edib.

Sonda tərəflər təhsillə bağlı ortaq layihələrin keçirilməsi ilə bağlı razılığa gəliblər.