“Akkord” şirkəti və Xəzər Universitetinin İnşaat mühəndisliyi departamenti arasında əldə olunmuş razılaşmaya əsasən İnşaat mühəndisliyi ixtisasının 4-cü kurs tələbələri departamentin koordinatoru Rasim Bayramlının rəhbərliyi ilə 2021-ci il dekabrın 22-də şirkətin “Akkord Prefabrik” MMC-nin Dəmir-beton Zavodunda dəmir-beton və beton boru istehsalı, gərginləşdirilmiş dəmir-beton körpü tirləri istehsalı, gərginləşdirilmiş dəmir-beton elektrik dirəkləri istehsalı və digər istehsal sahələri ilə yaxından tanış olmuşlar.

Zavodun mütəxəssisləti tələbələrə betonda istifadə olunan xammal və materiallar, betonun tərkibinin istehsalat üsulu ilə seçilib hazırlanması texnologiyası haqqında məlumat vermişlər.

Demir-beton zavodu ilə tanışlıq tələbələr üçün çox səmərəli və faydalı oldu.