2021-ci il dekabrın 21-də Xəzər Universiteti Təbiət elmləri və mühəndislik fakültəsinin müəllimləri Bakı Şəhəri 62 saylı məktəbdə “Gənc ekologiya mühəndisləri” layihəsinin bağlanış tədbirində iştirak etmişlər.

“Gənc Ekologiya mühəndisləri” layihəsi Azərbaycan Respublikası Təhsil Nazirliyi tərəfindən dəstəklənmiş bir layihədir. Bu layihədə Xəzər Universitetinin müəllimləri könüllü olaraq gənc mühəndislərə mentorluq etmişlər.

Layihə çərçivəsində orta məktəb şagirdləri kiçik mühəndis qurğuları yaratmış və onları nümayiş etdirmişlər. Bu qurğular əsasən günəş, külək kimi təbii resurslardan istifadəni təkmilləşdirmək məqsədi daşıyır. Sonra Xəzər Universitetinin müəllimləri çıxış etmişlər. Görüşdə Fizika və elektronika departamentinin müdiri Fəridə Tatardar, Coğrafiya və ətraf mühit departamentinin müdiri Rövşən Abbasov, Mexanika mühəndisliyi departamentinin koordinatoru Mehdi Kiyasaftar iştirak etmişlər. Sonda şagirdlərə sertifikat verilmiş və xatirə şəkli çəkilmişdir.