2021 il dekabrın 18-21-də Azərbaycan Respublikası Ekologiya və Təbii Sərvətlər Nazirliyinin və Ekosistem Xidmətləri və Biomüxtəliflik üzrə Beynəlxalq Panelin birgə apardığı “Milli Ekosistem Qiymətləndirmələri” layihə komandasının Şabran raoynunun Qalaltı kəndində müxtəlif nazirlik, universitet və elmi idarələrin əməkdaşlarının iştirakı ilə növbəti görüşü olmuşdur.

Görüşdə Xəzər Universitetinin Coğrafiya və ətraf mühit departamentinin müdiri Rövşən Abbasov da iştirak etmişdir. Qeyd edək ki, Rövşən Abbasov “Milli Ekosistem Qiymətləndirmələri” layihəsində Su qrupunun komanda rəhbəridir və ölkənin şirin su ekositemlərinin qiymətləndirilməsi işlərini koordinaisya edir. Layihə nəticəsi olaraq, Azərbaycanın meşə, otlaq və su ekosistemlərinn müasir vəziyyəti və gələcək dəyişmə tendensiyaları öyrəniləcək və çap edilərək ölkə hökumətinə və beynəlxalq təşkilatlara təqdim olunacaq.