2021-ci il dekabrın 20-də Azərbaycan Dövlət Mədəniyyət və İncəsənət Universitetində Xəzər Universitetinin tərəfdaş olduğu Erasmus+ ECAR layihəsinin Azərbaycandakı ali təhsil müəssisələrində ünsiyyət, əməkdaşlıq və şəbəkələşmə ilə bağlı aparılmış tədqiqatların nəticələrinə həsr olunmuş görüşü keçirildi.

Tədbir Azərbaycan Dövlət Mədəniyyət və İncəsənət Universitetinin rektoru Ceyran Mahmudovanın giriş sözü ilə başladı. Təhsil Nazirliyinin Elm, ali və orta ixtisas təhsili şöbəsinin müdiri Nicat Məmmədli çıxış etdi. Layihənin koordinatoru olan Bakı Biznes Universitetinin əməkdaşı Gülşən Bayramova layihənin ikinci komponenti haqqında iştirakçıları məlumatlandırdı, Koordinasiya komissiyasının rolundan bəhs etdi.

Görüş sual-cavab sessiyası ilə yekunlaşdı.

Görüşdə Xəzər Universitetini universitetin Beynəlxalq əlaqələr üzrə prorektoru Vlad Vernygora və İnkişaf departamentinin rəhbəri Raziyə İsayeva təmsil edirdilər.