Xəzər Universiteti İngilis dili və ədəbiyyatı departamentinin uzun illər ərzində müəllimi olmuş Lidiya Həmidova-Dmitriyevanın rus dilində “Deyəcəklərimin hamısı budur…” (“Вот все, что я хочу сказать...”) adlı şeirlər kitabı Xəzər Universitetinin Nəşriyyatında nəfis şəkildə çapdan çıxmışdır.

Kitab müəllifin Xəzər Universitetində birgə çalışdığı 30 nəfərdən artıq əməkdaşa (rəhbərlik də daxil olmaqla) həsr etdiyi şeirlərdən ibarətdir. O, çoxillik müşahidəsi sayəsində hər kəsin davranış və xasiyyətindəki xarakterik cizgiləri qələmə almağa nail olmuşdur.

Kitab əməkdaşlar tərəfindən müəllifə minnətdarlıq hissi ilə əziz bir xatirə kimi maraqla qarşılanmışdır.

Kitabın redaktoru Xəzər Universiteti Multimedia Mərkəzinin direktoru Natella Barkaya, dizayneri “Dünya” məktəbinin rəssamı Rafiq Əbdürrəhimovdur.