2021-ci il dekabrın 16-da Xəzər Universitetinin Psixologiya departamentinin müəllimi və doktorantı Nilufər Əlizadənin təşkilatçılığı ilə “Yeniyetməlik dövründə psixoloji problemlər” mövzusunda seminar keçirilmişdir. Seminarda Dr. psixiatr, "Nəfəs" Psixonevroloji Sağlamlıq Akademiyasının təsisçisi, ABŞ Harvard Universitetinin Boston Uşaq Xəstəxanasında tədqiqatçı kimi çalışmış, Azərbaycan Tibb Universiteti Psixiatriya kafedrasının müəllimi İkram Rüstəmov çıxış etmişdir.

Xəzər Universiteti ilə yanaşı BDU və digər psixoloji mərkəzlərdə çalışan psixoloq və tələbələrin iştirakı ilə keçirilən seminarda praktiki numunələr vasitəsilə yeniyetməlik dövründə baş verən böhran hallarından və onların həlli yolları haqqında müzakirələr aparılmışdır. Sonda Dr. İkram Rüstəmov iştirakçıların suallarını cavablandırıb.