2021-ci il dekabrın 15-də Milli Erasmus Ofisinin rəhbərliyi ilə Azərbaycan Texniki Universitetində Erasmus+ Məlumat günü keçirildi.

Tədbirdə Azərbaycan Respublikası Təhsil Nazirliyi və ölkə universitetlərindən nümayəndələr, o cümlədən Xəzər Universiteti Karyera Mərkəzinin koordinatoru Elnurə Əhmədzadə və İnkişaf Mərkəzinin layihə meneceri Səbinə Quluyeva iştirak edirdilər.

Azərbaycan Texniki Universitenin professoru Sübhan Namazovun giriş sözündən sonra Milli Erasmus Ofisinin rəhbəri Pərviz Bağırov gündəlikdə duran məsələləri iştirakçıların nəzərinə çatdırdı, qarşıda duran vəzifələrdən və yeniliklərdən bəhs etdi

Təhsil Nazirliyinin əməkdaşı Vüsalə Qurbanova çıxış edərək, Erasmus proqramı üzrə 2021-2027-ci illəri əhatə edəcək proqramla əlaqədar nazirliyin prioritet sahələrindən danışdı və qeyd etdi ki, nazirlik yerli universitetlərə bu sahədə dəstək olmağa hazırdır.

Tədbir sual-cavab sessiyası ilə yekunlaşdı.