Xəzər Universiteti İqtisadiyyat və menecment fakültəsi Milli Mühasiblər Forumu ilə əməkdaşlıq çərçivəsində 2021-ci il dekabrın 12-də Xəzər Universitetinin Mərkəz kampusunda “Peşəkar Mühasib Sertifikatı” seminarı təşkil etmişdir.

Seminar bu mövzuları əhatə etmişdir: peşəkar mühasibin bu günü və gələcəyi; Peşəkar Mühasib Sertifikatı (PMS) imtahanının nəticələri; PMS imtahanında açıq test tapşırıqlarının qiymətləndirilməsi və məsləhətlər; PMS imtahanlarına hazırlıq prosesi.

Mühasiblərin daha dərindən mariflənməsi üçün mühasibat uçotu sahəsinin peşəkar mütəxəssisləri qeyd olunmuş mövzularda çıxış edərək, iştirakçıların suallarını cavablandırmışlar: İqtisadi Araşdırmalar və Tədris Mərkəzinin vitse-prezidenti Radil Fətullayev; Bakı Mühəndislik Universitetinin İqtisadiyat və idarəetmə fakültəsinin Tədris işləri üzrə dekan müavini Dr. Elsəvər İbadov; Bakı Mühəndislik Universitetinin Mühasibat uçotu və audit kafedrasının müdiri Dr. Firudin Sultanov; İqtisadiyyat Nazirliyi Yanında Dövlət Vergi Xidmətinin Tədris Mərkəzində baş müəllim və vergi xidməti müşaviri Fariz Yadigarov; Azərbaycan Dövlət İqtisad Universitetinin Maliyyə və mühasibat fakültəsinin dekan müavini Dr. Abulkərim Sadıqov; Gənc Mühasiblər İctimai Birliyinin sədri Solmaz Əliyeva; “Avrora Qrup”unun layihə meneceri və BRİDGE akademiyasının ACCA üzrə müəllimi Simnar Paşazadə; Bakı Hesabat Mərkəzinin direktoru, audit üzrə mütəxəssis Mehdi Babayev.

Tədbir mütəxəssislərin və iştirakçıların müzakirələri ilə davam etmiş və müxtəlif təkliflər verilmişdir.