2021-ci il dekabrın 13-də Xəzər Universitetinin Beynəlxalq əlaqələr üzrə prorektoru Vlad Vernygora Bakıda, Demirchi Tower-də Sakit Okean Alyansının Konfrans zalının açılışında iştirak etmişdir. Mərasimdə Azərbaycan Respublikası xarici işlər nazirinin müavini Elnur Məmmədov çıxış edərək, tədbirin əhəmiyyəti barədə danışmışdır. Kolumbiya səfiri Luis Antonio Dimaté Cardenas, Meksika səfiri Rodrigo Labardini və Çili Missiyasının rəhbəri Fidel Coloma tədbirdə çıxış etmişlər.

Çıxışlardan sonra Sakit Okean Alyansı və onun beynəlxalq ticarət və geostrateji inkişaf üçün əhəmiyyəti haqqında qısa təqdimat keçirilib.

Kuluar söhbətlərində Xəzər Universitetinin Asiya-Sakit okean tədqiqatlarının və Azərbaycanın Sakit Okean Alyansına üzv olan ölkələrlə akademik əməkdaşlığının təşviqində rolundan danışılıb.