2021-ci il sentyabrın 14-də Xəzər Universitetinin Siyasi elmlər və fəlsəfə departamenti Cənubi Qafqazdakı siyasi dəyişikliklər mövzusunda tədbir keçirdi. Tədbirdə Xəzər Universitetinin müəllim və tələbələri, həmçinin bəzi digər universitetlərin əməkdaşları və ABŞ-ın Azərbaycandakı səfirliyinin nümayəndəsi Philip Tissue iştirak edirdilər.

Məruzəçi qonaq kimi tədbirə Beynəlxalq Əlaqələrin Təhlili Mərkəzinin şöbə müdiri Dr. Cavid Vəliyev dəvət olunmuşdu. O, İkinci Qarabağ Müharibəsi ilə əlaqədar Cənubi Qafqazda başverən son geosiyasi dəyişikliklərə dair məruzəsində Azərbaycanın 44 günlük müharibədə Ermənistan üzərində qəti qələbə qazandığını, Qarabağ bölgəsindəki Azərbaycan ərazilərinin azad edilməsini, güc balansının Azərbaycanın xeyrinə dəyişməsini və Türkiyə ilə strateji müttəfiqliyini vurğuladı. Dr. Vəliyev Rusiya ilə Türkiyə arasındakı əlaqələrinhəm əməkdaşlıq, həm də rəqabətlə xarakterizə olunduğunu, Bakının irəli sürdüyü Zəngəzur dəhlizi ilə İrəvanın təşviq etdiyi şimal-cənub tranzit yolu arasındakı rəqabətdə əsas aktorların mövqelərini qeyd etdi.

Mühazirədən sonra müzakirələr aparıldı və suallar cavablandırıldı.