Mayın 7-də 2020-ci il “Könüllülər ili” çərçivəsində aktiv fəaliyyət göstərən bir qrup tələbə-könüllülərin təltifolunma mərasimi keçirilib.

Mərasimdə iştirak edən təhsil naziri Emin Əmrullayev könüllülük fəaliyyətinin tələbələrə qazandırdığı üstünlüklərdən danışıb. Təhsil naziri “BİR” Tələbə-Könüllü Proqramının iştirakçılarını təbrik edib və fəaliyyətlərində uğurlar arzulayıb.

Pandemiya dövründə könüllülərin aktiv fəaliyyətini diqqətə çatdıran təhsil nazirinin müavini Firudin Qurbanov könüllülük fəaliyyəti əsasında qazanılan bilik və bacarıqların fərdin şəxsiyyət kimi formalaşmasında mühüm rol oynadığını vurğulayıb.

Mərasimin sonunda könüllülərə sertifikatlar təqdim olunub. Təltif olunanlar arasında Xəzər Universiteti Humanitar, təhsil və sosial elmlər fakültəsinin Azərbaycan dili və ədəbiyyatı müəllimliyi ixtisasının lll kurs tələbəsi Türkan Mürsəlova da vardır.