Youtube kanalında “Xəzər”in şəhid məzunu İqbal Babayev haqqında videoçarx nümayiş etdirilir.

İqbal Zəki oğlu Babayev 1995-ci il sentyabrın 10-da anadan olmuşdur. Xəzər Universitetinin İqtisadiyyat və menecment fakültəsini bitirmişdir.2018-ci ildə həqiqi hərbi xidmətə çağırılmış, Naxçıvan Muxtar Respublikasının Şahbuz rayonunda hərbi xidmət keçmişdir.

Azərbaycan xalqının Vətən müharibəsi başlayanda könüllü cəbhəyə getmiş, Cəbrayıl, Zəngilan və Füzuli rayonları uğrunda döyüşlərdə iştirak etmişdir. Füzuli rayonunun Seyid Əhmədli kəndi düşməndən azad edildikdən sonra döyüşçü yoldaşları ilə Azərbaycan bayrağını ucaldarkən şəhid olmuşdur.

Videoçarxda şəhidin valideynləri və qardaşları təəssüratlarını bölüşürlər.

https://www.youtube.com/watch?v=hiGSjqvE1Z8