2019-cu il dekabrın 4-də Xəzər Universiteti Karyera Mərkəzinin təşkilatçılığı ilə Roma BMTM 2020 Silahsızlandırma və Beynəlxalq Təhlükəsizlik Komitəsinin direktoru Firuz Süleymanovla tələbələrimizin beynəlxalq proqramlarda iştirakını təmin etmək məqsədilə “International Careers Festival 2020” görüş keçirilmişdir. Görüşü Karyera Mərkəzinin koordinatoru Fəxrəddin Abdullayev açaraq, “Birləşmiş Millətlər Təşkilatı –Roma Modeli”nin önəmini və bu proqramın onların gələcək karyeralarında hansı imkanları açacağı haqqında məlumat verdi. Daha sonra çıxışı proqramın komitə direktoru Firuz Süleymanov davam etdirərək, proqram haqqında geniş məlumat verdi. Belə ki, miqyasına görə dünyanın ən böyük 3-cü BMT modeli olan Roma “International Careers Festival 2020” beynəlxalq proqramın Azərbaycan üzrə təmsilçiliyini Xəzər Universitetinin etməsini xüsusi vurğulayaraq, tələbələrin bu imkanı maksimum dəyərləndirməsini qeyd etdi. 4 mərhələdən ibarət olan proqram 2020-ci il martın 7-dən 10-dək keçiriləcək və bu mərhələlərin sonunda tələbələr dünyanın aparıcı şirkətlərinin karyera imkanlarından da yararlana biləcəklər.
Görüş tələbələrin suallarının cavablandırılması ilə başa çatdı.