Xəzər Universitetində Şərq Tərəfdaşlığı Sammitinin simulyasiyası keçirilmişdir 

2022-ci il dekabrın 14-də Xəzər Universiteti Siyasi elmlər və fəlsəfə departamentinin təşkilatçılığı ilə 2021-ci il Avropa İttifaqı-Şərq Tərəfdaşlığı Sammiti simulyasiya edilmişdir. 

Xəzər Universitetinin benefisirı olduğu Erasmus+ Jean Monnet Module layihəsi çərçivəsində baş tutan simulyasiyada Azərbaycanın 7 ali təhsil müəssisəsində təhsil alan tələbələr iştirak etmişdir. 

Simulyasiya oyunundan öncə Erasmus+ Jean Monnet layihəsinin akademik koordinatorları Dr. Elmar Mustafayev və Zibər Hüseynova tərəfindən iştirakçılar Avropa İttifaqı və institutlarının səlahiyyətləri, Avropa Qonşuluq Siyasəti və Şərq tərəfdaşlığı barəsində təlimatlandırılmış, üzv dövlətlərin dövlət və ya hökumət başçıları, Aİ Şurasının Prezidenti və Şərq tərəfdaşlığı dövlətlərinin liderləri rollarına bölünmüşdür. Eyni zamanda, rollara ayrılmış tələbələrin qarşısında müvafiq olaraq təmsil etdikləri ölkələrin milli maraq və təhlükəsizlikləri, eləcə də ümumavropa maraqlarının dərindən araşdırılması məqsədi qoyulmuşdur. 

Aİ və Şərq Tərəfdaşlığı liderlərinin sammitində Şərq Tərəfdaşlığının yenilənmiş gündəliyi, COVID-19 pandemiyasının iqtisadi nəticələri, Aİ-nin ŞT ölkələri ilə bağlı iqtisadi və investisiya planları, ŞT ölkələrinin gələcək siyasi və iqtisadi inteqrasiyası, institutlar və yaxşı idarəetmə, enerji təhlükəsizliyi və bazar imkanları müzakirə edilmişdir. 

Aİ-Şərq Tərəfdaşlığı Sammitinin simulyasiyası Şərq Tərəfdaşlığının Birgə Bəyannaməsinin qəbulu ilə yekunlaşıb 

Şəkillər üçün bura klikləyin. 

 Xəzər Universiteti Avropa İttifaqı Şurasının miqrasiya böhranına həsr edilmiş görüşünün simulyasiyasını təşkil etmişdir 

2022-ci il dekabrın 13-də Xəzər Universitetinin Siyasi elmlər və fəlsəfə departamentinin təşkilatçılığı ilə Avropa İttifaqı Şurasının miqrasiya böhranına həsr edilmiş simulyasiya oyunu təşkil edilmişdir. 

Erasmus+ Jean Monnet Module layihəsi çərçivəsində baş tutan simulyasiya oyunlarında Azərbaycanın 6 müxtəlif ali təhsil müəssisəsində və eləcə də 2 xarici ali təhsil müəssisəsində təhsil alan tələbələr iştirak etmişdir. 

Simulyasiya oyunundan öncə Jean Monnet layihəsinin akademik koordinatorları Dr. Elmar Mustafayev və Zibər Hüseynova tərəfindən iştirakçılar Avropa İttifaqı və institutlarının səlahiyyətləri barəsində təlimatlandırılmış, üzv-dövlətlərin dövlət və ya hökumət başçıları və Aİ Şurasının Prezidenti rollarına bölünmüşdür. Eyni zamanda, rollara ayrılmış tələbələrin qarşısında müvafiq olaraq təmsil etdikləri ölkələrin milli maraqları, hakim siyasi partiya və ya koalisiya hökümətinin siyasi ideologiyası, eləcə də ümumavropa maraqlarının dərindən araşdırılması tapşırığı qoyulmuşdur. 

Avropa İttifaqı üzv dövlətlərinin dövlət və hökümət başçılarının görüşünü simulyasiya edən tələbələr sonda konsensusa gələ bilməsələr də, xarci sərhədlərin gücləndirilməsi üzrə davamlı müzakirələrin təşkil edilməsinə dair razılıq əldə edilmişdir. 

Şəkillər üçün bura klikləyin. 

Xəzər Universiteti “Avropa İttifaqının Rusiyanın Ukraynaya hərbi müdaxiləsinə cavabı” mövzusunda simulyasiya oyunu təşkil etmişdir 

2022-ci il dekabrın 12-də Xəzər Universitetinin Siyasi elmlər və fəlsəfə departamentinin təşkilatçılığı ilə Rusiya-Ukrayna müharibəsi səbəbindən Rusiyaya qarşı Avropa ittifaqının atacağı addımlara dair Avropa İttifaqı Şurasının simulyasiyası təşkil edilmişdir. 

Erasmus+ Jean Monnet Module layihəsi çərçivəsində baş tutan simulyasiya oyunlarında ölkənin 6 ali təhsil müəssisəsində təhsil alan tələbələr iştirak etmişdir. 

Simulyasiya oyunundan öncə Jean Monnet layihəsinin akademik koordinatorları Dr. Elmar Mustafayev və Zibər Hüseynova tərəfindən iştirakçılar Avropa İttifaqı və institutlarının səlahiyyətləri barəsində təlimatlandırılmış, üzv dövlətlərin dövlət və ya hökümət başçıları, Aİ Şurasının Prezidenti və Aİ-nin Xarici və Təhlükəsizlik Siyasəti üzrə Ali nümayyəndəsi rollarına bölünmüşdür. Eyni zamanda, rollara ayrılmış tələbələrin qarşısında müvafiq olaraq təmsil etdikləri ölkələrin milli maraq və təhlükəsizlikləri, eləcə də ümumavropa maraqlarının dərindən araşdırılmas məqsədi qoyulmuşdur. 

Üzv dövlətlərin mövqeyində olan fərqlərə baxmayaraq, Aİ sammitini simulyasiya edən tələbələr sonda yeni sanksiya paketinin qəbulunda və Ukraynaya hərbi, iqtisadi və humanitar yardımın göstərilməsində razılağa gəlmişlər. 

Şəkillər üçün bura klikləyin.