Xəzər Universiteti “Dünya” məktəbi, 2016-2017-ci tədris ili üçün 1-11-ci siniflərə şagird qəbulu elan edir. Tədris Beynəlxalq bakalavr proqramı (IB) üzrə ixtisaslaşmış xarici və yerli müəllimlər tərəfindən həyata keçirilir.

IBPYP –1-4 ibtidai sinifləri, İBMYP –5-9-cu sinifləri, IBDP isə 10-11-ci sinifləri əhatə edir.

Xəzər Universiteti “Dünya” məktəbi 2009-cu ildən Beynəlxalq bakalavr diplom proqramının (IBDP) tədrisi ilə məşğuldur. Məktəb bu sahədə çoxsaylı uğurlara imza ataraq, ibtidai və orta məktəb üzrə yüksək standartlara malik keyfiyyətli Beynəlxalq bakalavr təhsili verir. “Dünya” məktəbinin şagirdləri yerli və beynəlxalq olimpiadalarda müfəffəqiyyətlə iştirak edir və yüksək nəticələr əldə edirlər.

“Dünya” məktəbinin məzunları dünyanın məşhur universitetlərində (Oxford, Boston, Lancaster, Surrey,Warwick və s.) təhsil alırlar.

Tədris akademik və sosial baxımdan zəngin olması ilə yanaşı, həm də məktəbdənkənar fəaliyyəti ilə şagirdlərin hərtərəfli inkişafı üçün qayğıkeş mühit yaradır. Məktəbin şagirdləri konfranslar təşkil etməklə bərabər, həm də xarici ölkələrdə (Türkiyə, Yunanıstan, İngiltərə) konfranslarda müvəffəqiyyətlə çıxış edirlər.

Məktəbə qəbul imtahanlar əsasında həyata keçirilir.

Qəbul imtahanında yüksək nəticə göstərən şagirdlər güzəştli təhsil imkanı əldə edirlər.

“Dünya” məktəbi yolunuzu gözləyir.