2026-cı il oktyabrın 21–23-də İstanbulun Boğaziçi Universitetinin Qərb Dilləri və Ədəbiyyatları kafedrasının nümayəndələri, kafedranın müdiri, Professor Ayşe Naz Bulamur və kafedranın dosenti (Assistant Professor) Professor Çiğdem Buğdaycı Xəzər Universitetində səfərdə olacaqlar.

Səfərin ilk günü, universitetin əməkdaşları ilə görüş keçiriləcək. Görüş zamanı akademik əməkdaşlıq və elmi təcrübə mübadiləsi üçün imkanların müzakirəsi nəzərdə tutulur.

Oktyabrın 22-də qonaqların iştirakı ilə “Müharibədən sonrakı Britaniya ədəbiyyatında sinif və gender” (Class and Gender in British Postwar Literature) və “Ədəbiyyatda İstanbul hekayələri” (Tales of Istanbul in Literature) mövzularında seminarlar təşkil olunacaq. 

Səfərin sonuncu günü – oktyabrın 23-də qonaqlar üçün mədəni proqram çərçivəsində sərgi ziyarəti təşkil olunacaq.

Boğaziçi Universitetinin nümayəndələrinin Xəzər Universitetinə səfərinin universitetlərarası akademik əlaqələrin möhkəmləndirilməsinə, elmi və mədəni təcrübə mübadiləsinin genişləndirilməsinə, eləcə də gələcək əməkdaşlıq imkanlarının inkişafına töhfə verəcəyi gözlənilir.