Xəzər Universiteti Şanxay Beynəlxalq Tədqiqatlar Universiteti (SISU) ilə əməkdaşlıq edərək 30 aprel 2026-cı il tarixində Azərbaycanın Bakı şəhərindəki Xəzər Universitetində keçiriləcək Diskurs, yazılı və şifahi tərcümədə texnologiya və korpuslar üzrə 2-ci CISMA 2026 Beynəlxalq Konfransını elan etməkdən məmnunluq duyur.

Konfransın məqsədi diskurs təhlili, tərcümə tədqiqatları, şifahi tərcümə və dil elmlərində texnologiya və korpuslardan istifadəyə dair son nailiyyətləri, innovativ metodologiyaları və fənlərarası perspektivləri araşdırmaq üçün alimləri, tədqiqatçıları və təcrübəçiləri bir araya gətirməkdir. Tədbir akademik mübadilənin inkişafını, birgə tədqiqatların təşviqini və sözügedən sahədə yaranan tendensiyaların müzakirəsi üçün platformanın təqdim edilməsini hədəfləyir.

Konfransın mövzuları

Aşağıdakı istiqamətlər üzrə məqalə təqdim edə bilərsiniz:

Diskurs təhlilində texnologiya

Korpus və dil elmləri

Rəqəmsal diplomatiya və qlobal diskurs

Tərcümə tədqiqatlarında korpuslar

Dil tədqiqatlarına fənlərarası yanaşmalar

Təbii dilin emalı (TDE) və sentimentin analizi

Müxtəlif diskursiv kontekstlərdə rəy verilməsi

Mühüm tarixlər

Xülasələrin təqdim edilməsi üçün son tarix: 30 mart 2026-cı il

Qəbul haqqında bildiriş: 10 aprel 2026-cı il

Konfransın tarixi: 30 aprel 2026-cı il

Xülasənin təqdim olunması üçün qaydalar

Müəlliflər öz xülasələrini cisma@shisu.edu.cn e-poçt ünvanına göndərməyə dəvət olunur. Təqdim olunan bütün xülasələr konfransın elmi komitəsi tərəfindən nəzərdən keçiriləcək. Qeydiyyat haqqı posterdə göstərilib.

Konfransın məkanı: Mərmər zalı, Xəzər Universiteti, Bakı, Azərbaycan

Konfrans proqramı, əsas məruzəçilər və iştirak qaydaları ilə bağlı ətraflı məlumat konfransın rəsmi internet saytında əlçatandır: www.cisma-corpus.com

Konfrans Şanxay Beynəlxalq Tədqiqatlar Universitetinin (Çin) dosenti Məhəmməd Əfzal və Xəzər Universitetinin (Azərbaycan) əlavə professoru Muhəmməd İmran tərəfindən təşkil edilir.

Dünyanın müxtəlif ölkələrindən olan alimləri, tədqiqatçıları və təcrübəçiləri öz işlərini təqdim etməyə, habelə texnologiya, korpus və dil tədqiqatlarının kəsişməsinə dair müzakirələrə töhfə verərək CISMA 2026-da iştirak etməyə dəvət edirik.