29 mayda Xəzər Universitetinin Neftçilər kampusundan xüsusi tədbir keçiriləcək. “İngilis Dili Müəllimləri Simpoziumu 2025” adlı simpoziumda altı təcrübəli müəllim çıxış edəcək və sonradan panel müzakirəsində iştirak edəcəklər. Xəzər Universitetinin illik olaraq təşkil etməyi planlaşdırdığı bu simpozium bu il ilk dəfə keçiriləcək və məqsəd ingilis dilinin tədrisi sahəsində mütəxəssislərin bilik və təcrübələrini Azərbaycanlı müəllimlərlə paylaşmasıdır.

Bu ilin mövzusu belədir: “İngilis dilinin ana dili olmadığı mühitdə ingilis dilinin tədrisi: dilin əvəzlənməsi deyil, zənginləşdirilməsi.” Başqa sözlə, bir dilin mənimsənilməsinin digər dilin mənimsənilməsini gücləndirməli olduğu ideyası irəli sürülür və bu yanaşmanın necə reallığa çevriləcəyinə dair bir sıra praktik tövsiyələr veriləcək. Çıxış edəcək altı mütəxəssis dörd fərqli ölkəni təmsil edir, ona görə də perspektivləri tətbiqolunma baxımından beynəlxalqdır. Təqdimatçılar arasında ABŞ Dövlət Departamentinin dəstəyi ilə xaricdə çalışan üç ingilis dili mütəxəssisi də yer alacaq. Tədbir iştirakçıları tədbirin sonunda keçiriləcək panel müzakirəsində suallarını ekspertlərə ünvanlaya biləcəklər.

Bundan əlavə, tədbirdə iştirak edənlərə Xəzər Universitetinin “İngilis Dili Müəllimləri Simpoziumu 2025” simpoziumunda iştirak etdiklərini təsdiq edən sertifikatlar təqdim olunacaq.

Qeydiyyat üçün aşağıdakı e-poçta müraciət edə bilərsiniz:

Email: arasulova@khazar.org

Telefon: +994(12)4211093 (230)