09 oktyabr 2024-cü il tarixində saat 14:30-da 102 N-də Karyera və Məzunlar Mərkəzinin təşkilatçılığı ilə Azərbaycan Respublikası Dövlət Neft Fondunun (ARDNF) yaradılmasının 25-ci ildönümü münasibətilə Xəzər Universitetində təhsil alan tələbələri üçün “Azərbaycanda Dayanıqlı İqtisadi İnkişafın Təmin Edilməsində ARDNF-nin rolu” mövzusunda infosessiya təşkil olunacaqdır.

Tədbirdə ARDNF-nin Strateji Kommunikasiya şöbəsinin müdiri Ülviyyə Mehralıyeva, ARDNF-nin Enerji layihələri departamentinin aparıcı iqtisadçısı Kamran Əlizadə, ARDNF-nin İnvestisiya departamentinin baş treyderi Nəzrin Mansurlunun çıxışları nəzərdə tutulub.

Tədbir İqtisadiyyat və menecment fakültəsinin “Biznesin idarə edilməsi”, “Maliyyə” və “Menecment” ixtisasları üzrə təhsil alan sonuncu il tələbələri üçün nəzərdə tutulub.