2024-cü il sentyabrın 23-də Xəzər Universitetinin “Tərcümə mərkəzi”nin təşkilatçılığı və İngilis dili və ədəbiyyatı departamentinin dəstəyi ilə universitetin ilə təlimçi Gülnarə İlham “Yumşaq bacarıqların karyerada rolu” adlı təlimini təşkil edəcək. Gülnarə İlham 2010-cu ildə "Mədəniyyət" telekanalında redaktor kimi fəaliyyətə başlayıb. 2016-2024 cü illərdə Elm və Təhsil Nazirliyinin İctimaiyyətlə əlaqələr və kommunikasiya şöbəsinin əməkdaşı, "Azərbaycan müəllimi" qəzetində "Multimedia" şöbəsinin müdiri olaraq çalışıb. 2020-2021-ci illərdə "Yüksəliş" İctimai Birliyində İctimaiyyətlə əlaqələr üzrə mütəxəssis kimi fəaliyyət göstərib. Eyni zamanda, Elm və Təhsil Nazirliyinin "Məktəblinin dostu" layihəsinin İctimaiyyətlə əlaqələr üzrə baş mütəxəssisi vəzifəsindədir. Həmçinin Azərbaycan Dövlət İqtisad Universitetinin Karyera planlaması və inkişafı kafedrasının müəllimidir. 2002-ci illərdə BDU-nun Filologiya fakültəsini, Azərbaycan dili və ədəbiyyatı ixtisasını bitirib. 2006-2008-ci illərdə Gəncə Dövlət Universitetinin magistratura səviyyəsində, 2008-2011-ci illərdə doktorantura səviyyəsində təhsil alıb. Hazırda ADA Universitetində Dövlət idarəetməsi ixtisası üzrə ikinci magistratura təhsili alır. Effektiv ünsiyyət, səlis nitq, yumşaq bacarıqlar və karyera planlaması üzrə təlimlər həyata keçirir.