2024-cü il iyunun 13-də Xəzər Universitetinin “İqtisadiyyat və menecment” departamentinin təşkilatçılığı ilə “Monetar siyasət və bank sisteminin tənzimlənməsinin aktual problemləri” mövzusunda forum keçiriləcəkdir. Professor-müəllim heyətinin, məruzəçilərin, tələbələrin və sahə ekspertlərinin iştirak edəcəyi forumda monetar siyasət, bank sisteminin müasir vəziyyəti, vallyuta bazarı, inflyasiya, tədiyə balansı və monetar ssistemin müxtəlif aspektlərinə dair elmi tədqiqatların nəticələri dinləniləcək, həmçinin maliyyə inkişafının mövcud problemləri barədə fikir mübadiləsi aparılacaqdır.

Forum 13 iyun saat 10:00-12:00 aralığında Xəzər Universitetinin Neftçilər korpusunda 102 N saylı otaqda təşkil olunacaqdır. Müvafiq istiqamət üzrə elmi tədqiqatçılar, elmi təşkilatların əməkdaşları, müstəqil ekspertlər, həmçinin iqtisadiyyat və idarəetmə ixtisasları üzrə təhsil alan tələbələr mövzu ətrafında fikir mübadiləsi aparmaq üçün forumda iştirak etməyə dəvət olunur.