Xəzər Universitetinin Dillər və ədəbiyyatlar və Musiqi və incəsənət departamentləri TİKA, Hacı Bayram Veli və UNESCO Türkiyə Nümayəndəliyi, Qazaxıstandan Ahmet Yesevi Universiteti ilə birgə “Ozan-aşıq mədəniyyəti: tarixi köklər, müasir yanaşmalar və perspektivlər” mövzusunda beynəlxalq elmi simpozium keçirəcək. Simpoziumun əsas məqsədi türk xalqlarının ortaq mədəniyyətindən, ozan-aşıq sənətinin tarixindən və keçdiyi təşəkkül yolundan bəhs etmək və gələcək perspektivlərini müzakirə etməkdir.

23-24 may 2024-cü il tarixləri arasında keçiriləcək simpoziumda dünyanın müxtəlif ölkələrindən olan alimləri, tədqiqatçıları aramızda görməkdən məmnun olarıq.

Seçilmiş məqalələr “Xəzər Humanitar və Sosial Elmlər Jurnalı”nda (“Web of Science” indeksli) dərc olunacaq.

Jurnalın elektron versiyasını aşağıdakı keçiddən əldə etmək olar: https://ejournal.khazar.org/index.php/kjhss.

Ətraflı məlumat üçün https://lllkhazar.org/az/ saytının Bizimlə əlaqə bölməsini ziyarət etməyinizi xahiş edirik.

Əlaqə nömrəsi: (+99412) 421 7916 (228)

Konfransın internet saytı: https://lllkhazar.org/az/