2023-cü il iyunun 16-da Xəzər Universitetinin “İqtisadiyyat və menecment” departamentinin təşkilatçılığı ilə “Dayanıqlı inkişafın sahələrarası aspektləri” mövzusunda beynəlxalq forum keçiriləcəkdir. Professor-müəllim heyətinin, qonaq ekspertlərin, tələbələrin və 10-a yaxın məruzəçinin iştirak edəcəyi forumda dayanıqlı inkişafın müxtəlif aspektlərinə dair elmi tədqiqatların nəticələri dinləniləcək, həmçinin dayanıqlı inkişaf problemləri barədə fikir mübadiləsi aparılacaqdır. Forumda əsasən dayanıqlı sosial inkişaf, dayanıqlı turizm, dayanıqlı iqtisadi artım, yaşıl enerji, yaşıl iqtisadiyyat, yaşıl maliyyə, dayanıqlı biznes və sosial sahibkarlıq və s. istiqamətdəki elmi tədqiqatlar üzrə çıxışlar nəzərdə tutulub.

Forum 16 iyun saat 10:00-13:00 aralığında Xəzər Universitetinin Neftçilər korpusunda 102 N saylı otaqda təşkil olunacaqdır. Müvafiq istiqamət üzrə elmi tədqiqatçılar, elmi təşkilatların əməkdaşları, müstəqil ekspertlər, həmçinin iqtisadiyyat və idarəetmə ixtisasları üzrə təhsil alan tələbələr mövzu ətrafında fikir mübadiləsi aparmaq üçün forumda iştirak etməyə dəvət olunur.