Xəzər Universiteti Dillər və ədəbiyyatlar departamentinin təşkilatçılığı ilə tanınmış şair, filologiya üzrə fəlsəfə doktoru Qardaşxan Əzizxanlının „İlkim də sən, indim də sən, sonum sən“ və „Nə o- yelkən, nə bu- gəmi“ şeir kitablarının təqdimatı və müəllifin imza saatı keçiriləcək.

Tədbirin moderatoru Dillər və ədəbiyyatlar departamentinin müdiri dosent Dilbər Zeynalova, əsas məruzəçi filologiya üzrə fəlsəfə doktoru Ülvi Babasoydur. Tədbirdə tanınmış ədəbiyyat və elm xadimləri çıxış edəcək.

Təqdimat və müəllifin imza saatı 16 may 2023-cü il tarixində saat 14:00-da Xəzər Universitetinin Neftçilər korpusunda 102N nömrəli otaqda keçiriləcək. İştirak etmək istəyən hər kəs dəvətlidir.