Humanitar, Təhsil və Sosial Elmlər Fakültəsinin təşkilatçılığı ilə “Amerikada Xüsusi Təhsilin Təkamülü” adlı seminar keçiriləcək

Məruzəçi, Şərqi Kentukki Universitetinin professoru, Azərbaycanda nüfuzlu Fulbright mükafatına layiq görülən və müxtəlif təhsil və təlim tədbirləri ilə həm ABŞ-da, həm də Azərbaycanda iştirakçılara, qurumlara və icmalara fayda gətirəcək bilik mübadiləsi və tərəfdaşlıq qurmağı hədəfləyən Dr. Qaisar Sultanadır.

ABŞ Dövlət Departamenti və Fulbright xarici təqaüdlər Şurası tərəfindən maliyyələşdirilən xüsusi Fulbright proqramı, akademik və peşə nailiyyətlərinə, sahələrində göstərilən liderliyə və ABŞ-da və xaricdə təhsil müəssisələri arasında uzunmüddətli əməkdaşlığı təşviq etmək potensialına əsasən laureatları seçir. Dr. Sultana hər il proqramda iştirak edən 400-dən çox ABŞ vətəndaşından biridir.

Seminar 17 may 2023-cü il, saat 15:00-da, Xəzər Universitetində, (Məhsəti küç., 41) otaq 408N-də keçiriləcək. Seminarın müddəti 90 dəqiqə olacaq.