İngilis Dili və Ədəbiyyatı Departamenti tərəfindən tanınmış alim, şair və mütəfəkkirimiz, Xəzər Universitetinin təsisçisi, professor Hamlet İsaxanlıya həsr edilən “Poetic Voices” adlı 3-cü Şeir Qiraət müsabiqəsi 5 may 2023-cü il tarixində saat 14:00-da Neftçilər kampusunun Mərmər zalında keçiriləcək.

Müsabiqə münsiflər heyəti və tamaşaçılar qarşısında bədii və dil bacarıqlarını nümayiş etdirmək üçün dəvət olunan Xəzər Universitetinin bütün yaradıcı təfəkkürlü tələbələri üçün açıqdır.

Tələbələr müəllifin nəşr olunmuş ingilis dilində bir şeirini seçəcəklər. Maraqlanan tələbələr əlavə məlumat üçün ingilis dili müəllimləri ilə əlaqə saxlamalı və ya Poetic Voices-2023 Microsoft Teams kanalımız ilə tanış olmalıdırlar.