Dövlət İmtahan Mərkəzi 2022-ci il mayın 18-dən 29-dək 2022-2023-ci tədris ili üçün doktoranturaya və dissertanturaya xarici dil üzrə qəbul imtahanında iştirak etmək üçün namizədlərin qeydiyyatını elan edir.

Bu müddət ərzində doktorantura və dissertanturaya qəbul olunmaq üçün sənədlərini Azərbaycan Respublikasının doktoranturalar yaradılan ali təhsil müəssisələrinə, elmi müəssisə və təşkilatlarına təqdim etməyə hazırlaşan namizədlər DİM-in internet saytında (http://ekabinet.dim.gov.az) “Şəxsi kabinet"in yaradılması və istifadə qaydası”na müvafiq olaraq “Şəxsi kabinet” yaratmalı və xarici dil üzrə imtahanda iştirak etmək üçün qeydiyyatdan keçməlidirlər.

Doktoranturaya və dissertanturaya xarici dillər üzrə qəbul imtahanının 2022-ci il iyunun 12-də keçirilməsi nəzərdə tutulur. Danışıq bloku üzrə imtahanın isə iyunun 16-dan etibarən bir neçə gün ərzində keçirilməsi planlaşdırılır.

Namizədlərin imtahan verəcəkləri xarici dilin seçiminə qoyulan tələbləri və imtahan haqqında daha ətraflı məlumatları aşağıdakı link vasitəsilə Dövlət İmtahan Mərkəzinin saytından əldə edə bilərsiniz:

https://dim.gov.az/news/8600/

Əlavə məlumat üçün əlaqə vasitələri:

Email: gbahaddinova@khazar.org

Tel: +994 12 421 10 93 (daxili 246)