Əziz tələbələr və həmkarlar,

10 may saat 11:00-da Xəzər Universiteti İnkişaf Mərkəzinin təşkil etdiyi Alumni Talk adlı silsilə seminarların növbəti qonağı Dövlət Məşğulluq Agentliyinin idarə heyətinin sədri Mustafa Abbasbəylidir.

Mustafa Abbasbəyli 1996-2000-ci illərdə Xəzər Universitetinin Hüquq və sosial elmlər fakültəsində “Beynəlxalq Hüquq” ixtisası üzrə bakalavr səviyyəsində təhsil alıb. Daha sonra təhsilini Türkiyənin Ege Universiteti və Ankara Universitetində davam etdirmişdir.

Müxtəlif əmək və ictimai fəaliyyətləri olan qonağımız hazırda Dövlət Məşğulluq Agentliyinin idarə heyətinin sədri və Azərbaycan Dövlət İqtisad Universitetinin "İqtisadiyyat və İdarəetmə" kafedrasının müəllimidir.

Görüş universitetin Mərmər zalında keçiriləcəkdir.

Maraqlanan hər kəs görüşə dəvətlidir.