Dekan müavini dekanlıqda qəbul edilmiş səlahiyyətlər bölgüsü daxilində fakültənin fəaliyyətinin gündəlik idarə edilməsini, ayrı-ayrı bölmələrin işinin əlaqələndirilməsini və işin gedişatına nəzarəti təmin edən, fəaliyyətin nəticələrinə dair ilkin hesabatları hazırlayan səlahiyyətli şəxsdır. Fakültənin gündəlik idarəetmə və nəzarət siyasətinin həyata keçirilməsində, o, dekan və kafedra müdirləri ilə sıx əməkdaşlıq edir. Dekan müavini fəaliyyəti barədə dekana hesabat verir.

Əsas vəzifələr

• Kafedraların təklifləri və dekanın tövsiyyələri əsasında semestrlər üzrə tədris yükünün hazırlanması
• Dərs və imtahan cədvəllərinin hazırlanması. İmtahanların keçirilməsi və nəzarətin təşkili
• Tələbələrin qeydiyyatdan keçirilməsinin təşkili
• Fənn proqramlarının (sillabusların) departamentlərdən toplanılması, proqramların Xəzər Universitetinin müəyyən etdiyi tələblərə uyğunluğunun yoxlanılması və təsdiqlənmə üçün dekana təqdim edilməsi
• Hər semestr ixtisasına uyğun iki fənni tədris etmək
• Dərslərin gündəlik gedişatına nəzarət və pozuntular barədə dekanın məlumatlandırılması
• Akademik nailiyyətlərin yüksəldilməsi, tədrisin keyfiyyətinin artırılması
• Fakültə və departament ilə birgə əməkdaşlıq edərək dissertasiyaların ilkin müzakirəsi komissiyasının yaradırılması və fəaliyyətində iştirak etmək
• Məzunluq sənədlərinin vaxtında hazırlanması və sənədlərin dekana təqdim edilməsi
• Elmi tədqiqatlar aparılması və nüfuzlu jurnallarda məqalələrin dərc edilməsi

Tələb olunan biliklər, bacarıq və vərdişlər

• Sənədlərlə işləmək, yazışma və kargüzarlıq bacarıqları
• İngilis dilində şifahi və yazılı ünsiyyət bacarıqları
• Tələbə və işçilərlə yaxşı ünsiyyət bacarıqları
• Danışıq aparmaq və münaqişələri həll etmək bacarıqları
• Yaxşı kompüter vərdişləri (Microsoft Office)

İxtisas hazırlığı

• Fakültənin profilinə uyğun sahədə fəlsəfə doktoru elmi dərəcəsi
• Universitetdə iş təcrübəsi
• Elmi nailiyyətləri

Müraciət üçün tələb olunan sənədlər

• Tərcümeyi hal
• Müraciət məktubu
• Tədris fəaliyyəti barədə məlumat (tələbələr tərəfindən son qiymətləndirilmə nəticələri əlavə olunmaqla)
• Elmi fəaliyyəti barədə məlumat (nəşr üçün nəzərdə tutulan ən son məqalə əlavə olunmaqla)
• Tövsiyyə məktubu verəcək üç şəxsin adı, vəzifəsi və E-poçt ünvanları

Qeyd: Əmək haqqı namizədin kvalifikasiyasından asılı olaraq işə qəbul üzrə komissiya tərəfindən müəyyən edilir.

İşə başlama tarixi: Fevral 2022

Maraqlanan namizədlər dekabrın 31-nə qədər economics@khazar.org e-mail ünvanına sənədlərini göndərə bilərlər.