15 aprel 2021-ci il tarixində saat 18:00-da Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün nəzərdə tutulmuş növbəti virtual tədqiqat seminarı keçirəcəkdir. Seminar Valencia Politexnik Universitetinin (UPV) əməkdaşı Dr. Javier Orozco-Messananın təqdimatında “Disiplinlərarası hibrid öyrənmə” mövzusunda olacaqdır. 

Seminar MS Teams proqramında keçiriləcəkdir və seminar ingilis dilində olacaqdır. İştirak etmək istəyənlər qeydiyyatdan keçmək və əlavə məlumat almaq üçün Ülkər Bayramova (ubayramova@khazar.org) ilə əlaqə saxlaya bilərlər.

Seminara qoşulmaq üçün link aşağıdakı kimidir:

Microsoft Teams meeting
Join on your computer or mobile app
Click here to join the meeting

Dr. Javier Orozco-Messana haqqında qısa arayış:

Dr. Javier Orozco-Messana 1986-cı ildən Universidad Politécnica de Valencia-da materialşünaslıq, keramika, bina davamlılığı və bir sıra elmi mövzularda mühazirələr oxuyur. O, həmçinin Florida Dövlət Universitetində də mühazirə oxumuşdur. 1990-2004-cü illərdə müxtəlif özəl şirkətlərdə (AIMME, Lladro, Autocares Luz) Araşdırma və İnkişaf meneceri vəzifəsində çalışmış və Avropa, milli və regional səviyyədə 5-dən çox tədqiqat layihəsini idarə etmişdir. Universidad Politecnica de Valencia'da, indiki vəzifəsini Mexanika və Materiallar şöbəsində almış və 2011-ci ildən bu yana Universitetin Beynəlxalq Əlaqələr Direktorudur. Əsas tədqiqat sahələri fotovoltaik materiallar, bina davamlılığı, elyaf dəmir-beton, performansın qiymətləndirilməsi və ali təhsildə aktiv öyrənmədir. Xüsusi istinadlar və daha ətraflı məlumat üçün baxa bilərsiniz: http://jorozco.blogs.upv.es/