2019-cu il noyabrın 22-si və 23-də ABŞ-ın Azərbaycandakı səfirliyi Xəzər Universiteti ilə əməkdaşlıq çərçivəsində “Effektiv və davamlı tərəfdaşlıq vasitəsilə ali təhsildə potensialın gücləndirilməsi” adlı ikigünlük seminar təşkil edir. Seminar Xəzər Universitetinin Buzovna qəsəbəsində yerləşən Konfrans və İstirahət Mərkəzində keçiriləcək.

Seminar 2019 Beynəlxalq Təhsil Həftəsi çərçivəsində keçirilir və yerli ali təhsil müəssisələrinin beynəlxalq əlaqələr şöbəsinin nümayəndələrinin iştirakı üçün nəzərdə tutulur. Seminarın məqsədi müəssisələrin beynəlmiləlləşməsi və effektiv partnyorluqların qurulması yolu ilə onların potensialının gücləndirilməsinə dəstək olmaqdan ibarətdir. Montereydə yerləşən Middlebury İnstitutunun müəllimi və beynəlxalq təhsil sahəsi üzrə 20 ildən çox təcrübəsi olan Dr. David Wick seminarı aparmaq üçün xüsusi dəvət olunmuşdur.