2019-cu il mayın 22-də Xəzər Universiteti İnşaat mühəndisliyi departamentinin təşkilatçılığı ilə “Spagetti körpü” yarışması keçirəcək. Müsabiqə qeydiyyat üçün mayın əvvəlindən açıq olacaq.
Yarışa qoşulmaq istəyənlər qaydalar və şərtlərlə tanış olduqdan sonra qeydiyyat üçün sbridge2019@khazar.org ünvanına e-mail göndərməlidirlər.
1. Müsabiqə mühəndislik universitetlərinin tələbələri üçün açıqdır. Komandalar üç tələbədən ibarət ola bilər. Hər komandaya yalnız bir giriş (körpü) təqdim etməyə icazə verilir.
2. Körpü ticari olaraq satılan spagetti vasitəsilə qurulmalıdır. Fettuccine kimi başqa bir makaron növündən istifadəyə icazə verilmir. Bucatini kimi tanınan boru spagettiyə də icazə verilmir. “Spagetti diametri 3 mm-dən çox olmayan, irmik və ya undan və sudan hazırlanan silindrik bir makaron formasıdır”.
3. Körpüdə PVA/ağ yapışqan, isti yapışqan və ya super yapışqandan istifadə edilməli və yapışqan yalnız spaghetti əlavə etmək üçün istifadə edilməlidir; yapışqan və ya başqa bir maddə spagetti tellərini tamamilə örtmək üçün istifadə edilə bilməz.
4. Körpüyə verilən yükləmə çəngəli körpünün ən orta nöqtəsində olmalıdır.
5. Körpü, ən azı, 35 sm uzunluğunda və iki dayaqlı olmalıdır. Körpü dayaqları test zamanı hər tərəfdən üfiqi səthlərə yerləşdiriləcək.
6. Spagetti, yapışqan və yükləmə çəngəli daxil olmaqla, körpünün ümumi kütləsi 700 qramı keçməməlidir.
7. Qeydiyyat, daha əvvəl qeyd olunan e-poçt ünvanı vasitəsilə, 2019-cu il mayın 15-i bazar ertəsi günü gecə yarısından əvvəl edilməlidir.
1. Hər bir körpü testdən əvvəl və sonra çəkiləcək və yoxlanılacaq. Körpü “Yarış qaydaları”nda göstərilən çəki və ölçü həddinə və ya qadağan edilmiş materiallardan ibarət qaydalara uyğun gəlmədikdə, diskvalifikasiya ediləcəkdir.
2. Yükləmə prosesi tədricən qrup üzvlərindən biri tərəfindən aparılacaq.
3. Test edilərkən, körpüyə müdaxilə etmək olmaz. Köprü dağılana qədər sınaqdan keçiriləcək.
4. Qazanan körpülər test zamanı çəkisinə və ən çox yük daşımasına görə sıralanacaq. Körpünün ağırlığına nisbətən ən yüksək yük götürən qalib olacaq.
5. Komandaların körpüləri Xəzər Universitetinə yarışdan bir gün əvvəl çatdırılmalıdır.
1-ci yer: 200 manat
2-ci yer: 160 manat
3-cü yer: 140 manat
Əlavə məlumat üçün bu e-mail vasitəsilə əlaqə saxlamaq olar: sbridge2019@khazar.org.
Copyright © Xəzər Universiteti, 2026
