Xəzər Universiteti 2019-2020 tədris ili üçün əcnəbi tələbələrin qəbulunu elan edir. Qəbul Universitetin dörd fakültəsinin ixtisasları üzrə və təhsilin hər üç pilləsi üzrə (bakalavriatura, magistratura, doktorantura) aparılır.

• Təbiət elmləri və Mühəndislik fakültəsi
• İqtisadiyyat və Menecment fakültəsi
• Humanitar və Sosial Elmlər fakültəsi
• Təhsil Fakültəsi

Təqaüdlər

Xəzər Universiteti öz akademik göstəriciləri ilə fərqlənən bütün xarici ölkələrin vətəndaşlarına Universitetdə təhsil almaq üçün təqaüdlər təklif edir. Xəzər Universitetinin Mükəmməllik Təqaüdləri tələbənin təhsil haqqını tam əhatə edir. Təqaüd bir il müddətinə təyin olunur və tələbənin akademik göstəricilərinə əsasən uzadılır. Xəzər Universitetində magistratura və doktorantura pilləsində təhsil almaq istəyən əcnəbi vətəndaşlar bu təqaüd proqramı üçün müraciət edə bilərlər.

Xəzər Universiteti Nailiyyət təqaüdləri müraciət edən tələbənin akademik göstəricilərindən asılı olaraq təhsil haqqına 75%, 50%, və ya 25% endirimləri nəzərdə tutur. Xəzər Universitetində təhsilin hər üç pilləsində təhsil almaq istəyən əcnəbi vətəndaşlar bu təqaüd proqramı üçün müraciət edə bilərlər.

Hazırda Xəzər Universitetində 30-dan çox ölkədən 150-dən çox əcnəbi tələbə təhsil alır. Universitetin təqaüd proqramlarından müxtəlif illərdə bir çox ölkələrin vətəndaşları faydalanıblar.

Maraqlanan namizədlər qəbul prosesi və təqaüdlər haqqında məlumatı aşağıdakı keçidlərdən əldə edə bilərlər:

http://international.khazar.org/how-to-apply/

http://international.khazar.org/international-scholarship-program/

Müraciətlər üçün son tarix 15 aprel 2019-cu ildir (Bakı vaxtı ilə 17:00).