2019-cu il yanvarın 27-də Xəzər Universitetinin şəhər mərkəzində yerləşən korpusundakı (B.Səfəroğlu küç. 122) Fikrət Əmirov Konfrans-Konsert Mərkəzində universitetin İqtisadiyyat və Menecment fakültəsi Milli Mühasiblər Forumunun əməkdaşlığı ilə növbəti seminar keçirəcək. Mühasibat uçotu sahəsində təhsil alan və çalışan şəxslərin maarifləndirilməsi məqsədilə keçirilən seminar “Vergi Məcəlləsində edilən dəyişikliklərin Mühasibat Uçotunda təsirinin hərtərəfli professional izahı” mövzusunda olacaq.
100-dən çox şirkətin mühasiblərinin iştirak etməsi planlaşdırılan seminarın tələbə və müəllimlər üçün səmərəli müzakirə və fikir mübadiləsinə səbəb olacağı gözlənilir. Ətraflı məlumat və qeydiyyat üçün Dr. Elsevər İbadovla (eibadov@khazar.org) əlaqə saxlamaq olar.
Maraqlanan hər kəs iştirak edə bilər.