2018-ci il dekabrın 26-sı saat 11:00-da Azərbaycan Respublikası Səhiyyə Nazirliyinin təşkilatçılığı ilə Xəzər Universitetində “Gənclərin reproduktiv sağlamlıq və ailə planlaşdırılmasına dair biliklərinin artırılması və davranışlarının təkmilləşdirilməsi” mövzusunda qızlara seminar keçiriləcək.

Bu maarifləndirici tədbirin planlaşdırılması Səhiyyə Nazirliyinin 23.10.2017-ci il tarixli 72 nömrəli əmri ilə təsdiq edilmiş “Azərbaycan gəncliyi 2017-2021-ci illərdə Dövlət Proqramının həyata keçrilməsi üzrə Azərbaycan Respublikası Səhiyyə Nazirliyinin Tədbirlər Planı”nda 4 (5.2.3.2.) yer almışdır. Bu məqsədlə ali, orta və peşə məktəblərində mütəxəssislər tərəfindən məktəblilərə, tələbələrə və əhali arasında “Reproduktiv sağlamlıq və sağlam həyat tərzi –ailə planlaşdırılması”na dair maarifləndirmə tədbirləri həyata keçirilir.

Seminar Xəzər Universitetinin “Neftçilər” kampusundakı konfrans zalında (otaq102N) keçiriləcək.