2018-ci il oktyabr 21-də Xəzər Universitetinin şəhər mərkəzində yerləşən korpusundakı (B.Səfəroğlu küç. 122) Fikrət Əmirov Konfrans-konsert mərkəzində İqtisadiyyat və Menecment fakültəsi və Milli Mühasiblər Forumunun əməkdaşlığı ilə seminar keçiriləcək. Mühasibat uçotu sahəsində təhsil alan və işləyən insanların maarifləndirilməsi məqsədilə keçirilən seminar “Xərclərin və məsrəflərin maliyyə uçotu və standartlar üzrə təsnifləşdirilməsi, bölünməsi metodu, ikili yazılışların verilməsi və bu sahədə mövcud praktik problemlərin həlli” mövzusunda olacaq.
100-dən çox şirkətin mühasiblərinin iştirak etməsi planlaşdırılan seminarda tələbə və müəllimlər üçün də səmərəli müzakirə, fikir mübadiləsinə səbəb olacaq. Ətraflı məlumat və qeydiyyat üçün Dr. Elsevər İbadova (eibadov@khazar.org) müraciət etmək olar.
Maraqlanan hər kəs tədbirdə iştirak edə bilər.