2017-ci il oktyabrın 10-u və 11-də Xəzər Universitetində Texniki Yardım Missiyası (Technical Assistance Mission – TAM) çərçivəsində birgə dərəcə proqramlarının yaradılması ilə bağlı təlim keçiriləcək. Birgə dərəcə proqramı üzrə ekspert, Finlandiya Milli Təhsil Agentliyində proqram meneceri olan Annika Sundbäck-Lindroos birgə dərəcə proqramları və yaratdığı imkanlar, regiondan və Avropadan uğurlu nümunələr, inkişaf prosesinin praktiki detalları, bu cür proqramların yaradılması üçün tələb olunan minimum tələblər haqqında məlumat və bu proqramları yaratmaq üçün məsləhətlər verəcək.

Azərbaycanda beynəlxalq birgə dərəcə proqramlarının yaradılmasında və idarə olunmasında maraqlı olan ali təhsil mütəxəssisləri (mühazirəçilər, administrativ işçilər, beynəlxalq şöbə heyəti, məktəb direktorları, təhsil müşavirləri) təlimdə iştirak etməyə dəvət olunurlar. Xəzər Universiteti əməkdaşlarının da bu təlimlərdə iştirakı vacibdir. Qeyd edək ki, təlimin sonunda sertifikatlar veriləcəkdir.

Təlimə qatılmaq istəyənlərdən qoşmada göndərilən sorğunu (survey) doldurub 2017-ci il oktyabrın 6-sı iş gününün sonuna qədər İnkişaf Mərkəzinin əməkdaşı Ülkər Bayramovaya (E-mail: ubayramova@khazar.org) göndərmələri xahiş olunur.

Qeyd: Təlimin ilkin proqramı əlavə olunur.