2017-ci il mayın 22-də Xəzər Universiteti “Neftçilər” korpusundakı kompüter mərkəzində (otaq 402N) KPMG-Azərbaycan şirkətinin Karyera günü keçiriləcək.
Karyera günü zamanı, KPMG-Azərbaycanın audit və vergi departamentlərində ödənişli təcrübə proqramı üzrə CV-lərin verilməsi və seçim prosesinin ilk mərhələsi olan onlayn test həyata keçiriləcək. Proqramda maliyyə, mühasibat uçotu və audit, biznesin idarə edilməsi ixtisasları üzrə təhsil alan sonuncu kurs tələbələri (bakalavr və magistr) iştirak edə bilərlər.
İştirak üçün 2017-ci il mayın 15-dək Karyera İnkişaf Mərkəzinə (“Neftçilər” korpusu, köhnə bina, otaq 211) yaxınlaşaraq, qeydiyyatdan keçməyiniz xahiş olunur.