2017-ci il aprelin 5-i saat 14:00-dan 17:00-a qədər Xəzər Universitetində “Mühasibatlıq və maliyyə sahəsində karyera” mövzusunda təlim təşkil olunacaq. Təlim universitetin “Neftçilər” korpusunda (otaq 102N) keçiriləcək. Təlimin əsas mövzularını rezyume hazırlamaq, təsirli niyət məktublarının sirri, peşəkar müsahibəyə hazırlıq, işi harda və necə axtarmalı və ACCA dəsrləri haqqında məlumat təşkil edəcək.

Təlimdə məruzəçi kimi PCOB Group şirkətinin təsisçisi və direktoru Orxan Yusifov çıxış edəcək. Orxan Yusifovun ictimai mühasibatlıq xidmətlərində Böyük Dördlük (Big 4) şirkəti ilə həm Azərbaycanda, həm də Amerika Birləşmiş Ştatlarında uzun illər iş təcrübəsi var. O, 2013-cü ildən Birləşmiş Ştatların Sertifikatlı İctimai Mühasib (Certified Public Accountant – CPA) lisenziyasına malikdir və hazırda o, iki ştatın – Texas (lisenziya № 108268) və Nyu Hempşir (lisenziya № 06725) rəsmi qurumlarının CPA lisenziyalarını daşıyır.

Təlimdə iştirak etmək üçün qeydiyyatdan keçmək tələb olunur! Qeydiyyat ilk keçən 6 tələbəyə təlimin ardınca 15 dəqiqəlik sınaq müsahibə təklif olunacaq.

Qeydiyyat üçün bu elektron ünvana yazmaq lazımdır: careercenter@khazar.org.